Šiū metu lapkrėtė šešta dėina Žemaitėjės kadetu gėmnazėjuo vīka puopėitė, skėrta Žemaitiu rašta metams.

Muokėnē pristatė sava žemaitėška kūrība, skaitė gražiausius Žemaitėjės autuoriu kūrėnius, klausies Petrauskė Mariaus atlėiktamas dainuos „Tėkrus žemaitis‘‘ ė dalīvava ,,Kahhot” žaidėmė, atsakīdamė i klausėmus api seniausius žemaitėškus žuodius. Muokėnē pristatė naujės knīngas, katruos parašītas žemaitėškā. Īpatinga diemesė solaukė Pabriežas Jūzapa i žemaitiu kalba ėšversta A. De Sent Egziuperi knīnga „Mažāsis princos‘‘, katruo vėsė gal sorastė gīvenėma išmintėis, pamuokīmu, kāp būtė laimingam.

Vėsė rėngėnė dalīvē bova kontėnė rokoudamies žemaitėškā ė džiaugies, ka žemaitē ī tokėi tvėrtė ė rėktingė, ka nieks anū nagal palaužtė. Lietuviu kalbuos muokītuojės diekavuojė vakams, ka anėi truopnē keravuo sava tarmė ė apdovanuojė vėsas klasės ož poikius pasėruodīmus saldēs prizās.

Lietuviu kalbuos mokituojė Norkienė Alduona